Lawan jang..lawan!!

salam perjuangan.

apo kono si Hanisah ni, bendegho tak naik-naik, tak habih ghayo laie ko, oghang nak pilihan ghayo dah, haisyh..

hehe.

siapa kata saya tak pandai cakap nogoghi, dulu pernah belajar waktu program anak angkat+UMNO buek+ dekat kualo pilah.cammano den tersosat tak tau la.

saya tertarik dengan dialog nogoghi dari blog teman, jom baca, menarik.

( P: ) Jang oh Jang Mano pulak poi eh budak bertuah ni Sonyap yo...
Siaplah jang oi...
Bendegho tu tak naik lai

( L: ) Batu ompek tompek mandi
Gulai kotam sopiuk
Cubo omak fikir dalam hati
Kito ni BN sudah lamo aih

( P: ) Apo kono eh jang kau monong ajo
Orang ke BULAN ekau di mano
Muko berpoluh apo teghaso
Carian ubek penawa duko

( P: ) Poilah mandi hari dah tinggi
Jangan temonung menoman moto
Pangkahlah kito si Zulkefly
Apo dikonang pekaro yang sudah

( P: ) Si dacing kau gilokan
Orang dah tengok bulan
Mano kau pangkah pensil
Kondak kau jang tukarlah
Biar kito tidur leno Ompuk orang jangan diidam

( P: ) Ha... tu lah, dulu lai den koba kan
Tukar jang... tukar Ni..
yang lamo yolah Kito juo yang telopong

( L: ) Ah.. Omak ni..
Pangkah si Zulkefly takkan ada duit do Buek malu yo...

( P: ) Nak kan kebahagiaan tak payah beduit
Apolah nak jadi kau ni jang oi hai...

( L: ) Abih macano mak
Badan seh ni nak domam yo ghaso eh

( P: ) Dah den koba an dulu dongar ceramah
Tukarlah copek ini kau tangguh an
Ke Kota Bharu jumpo Tok Guru
Bekonan den si Zulkelfy jadi YB

( P: ) Apo lai kau sosakan
Menghaung tak ado guno
Ngundi minggu dopan
Melopong kau jang putih mato
Jangan lai dikonang konang
Asik dikonang merano badan

( L: ) Bekocak air di boting
Limau manih betaruk mudo
Bio becacak koghih dan lombing
Putih kuning den tarik juo

( P: ) Kau nak apo dacing tu pulak
Jangan jang, malu omak
Kito yang susah nanti

( L: ) Seh tak kiro Seh nak an jugo dacing tu mak
Apo nak jadi, jadilah

( P: ) Dah di haruk setan ko budak ni
Dunio pun tak nampak lai...

( L: ) Ke jelobak ke jelobu

Tuai padi tigo tangkai
Kato ombung den...
Kato ongah den...
Kato ocu den
Podih nyo hati menanggung malu
Tak mati badan menghasai... Aih

( P: ) Apo kono eh jang...

ha, apo laie tunggu, turun bagan pinang jang oiii..turun.!!